Frå idé til etablering
Ditt spirande selskap vert mellom anna vurdert ut i frå kriterier som marknad, vekst, evne til gjennomføring og vilje til å ta risiko i form av tid og andre ressursar.
Me samarbeider mellom anna med Voss herad om å bistå verksemder i startfasen gjennom etablerarlos/gründerhjelp.
Me hjelper deg gjerne med alt knytt til desse tre fasane gründerar går igjennom:
Gründerakademiet
Gründerakademiet er eit verktøy for etableraropplæring, og rettar seg mot gründerar som er i ide-, plan- eller oppstartsfase, og opptil ca 2 års drift. Akademiet har eit gjennomarbeidd program som har gitt høg suksessrate for gründerar og oppstartsverksemder.
Gründerakademiet vert gjennomført som digitale og fysiske samlingar. Kontakt oss for å finne ut når neste kursrekkje vert arrangert.
Kurs og arrangement
Visste du at me har spennande arrangement og kurs i heile regionen?
Me tilbyr eit variert utval av event og faglege samlingar i Hardanger og Voss. Frå nettverksmøter til kurs og seminar – det er alltid noko interessant på agendaen. Sjekk ut komande arrangement og finn noko som passar for deg!
Kva seier gründerane sjølv?
Næringshagen er ein god samtalepartner der eg har fått lufta tankar og idear på eit tidleg stadie. Å ha Næringshagen som ein god og fortruleg samtalepartner er viktig for oss små bedrifter som har få andre å drøfte utvikling med. Å få tilbakemeldingar gjer meg tryggare som bedriftseigar, og bidreg til å treffe dei rette vala for ei god utvikling.».
Ole Gjerde
Dagleg leiar, Gjerde Felemakeri AS
Reguleringsplanen vår var i boks, og me trong nokon å tenkja høgt saman med om vegen vidare. I Næringshagen møtte me ein rådgjevar som verkar genuint interessert i prosjektet vårt, og som har gitt oss hjelp til å systematisera og strukturera tankar og idear. I tillegg til å fungera som sparringspartnar har me fått mange konkrete råd og nyttige reiskap som fører oss framover.
Sidsel Vinsand
Prosjektleiar, Voss kulturlandsby
