Bygg, anlegg og eigedomsforum 18.september Voss

Velkomen til Bygg, anlegg og eigedomsforum, med fagleg innspel, mat og mingling, denne gongen hjå Tecno VVS!

Tema for dagen; Kor og korleis få tak i kvalifisert arbeidskraft?

Me veit bygg- og anleggsbransjen slit med å få tak i kvalifisert arbeidskraft og rekruttering av dei unge. Til å ta opp dette tema får me besøk av Vegard Birkeland Vike, i Entreprenørforeningen – Bygg og Anlegg (EBA)

I tillegg vil Åsmund Aarsand i Hardanger og Voss næringshage praktisk vise korleis verksemder kan gjere seg meir interessante for unge, bruke sosiale medium til å vise fram kvardagen og kulturen, og ta i bruk KI til å lage engasjerande innhald som tiltrekkjer dei rette folka.

Program:
Med atterhald om mindre endringar

• Velkomen og mingling!
• Bedriftspresentasjon, Tecno VVS
• Mat og mingling
• Kor og korleis få tak i kvalifisert arbeidskraft? – ved Vegard Birkeland Vike, Entreprenørforeningen – Bygg og Anlegg (EBA)
• SoME og KI som rekrutteringsverktøy, Åsmund Aarsand, marknadsførar i Hardanger og Voss Næringshage

Praktisk info:

Det vert servert mat ca klokken 15:30 hjå Tecno VVS.

Tid: torsdag 18. september 15:00 – 18:oo
Stad: Tecno VVS, Brynaskogen 25, 5705 Voss.

Pris medlem: 399,-
Pris ikkje-medlem: 999,-

Arrangementet er ope for alle i bransjen med interesse for tema!

Vel møtt, og hugs å melde deg på innan 15.september!

 

Nysgjerrig på om Bygg, anlegg og eigedomsforum er noko for deg og di bedrift?
Dette forumet vart starta i 2021, og sidan den gong har me i Hardanger og Voss Næringshage samla større og mindre aktørar i bygg, anlegg og eigedomsbransjen. Me såg eit behov for ein felles møteplass for næringa med fokus på fagleg innhald, men like mykje for at næringa kan verte betre kjend med kvarandre og få eit større nettverk. Difor legg me opp til god tid til mingling på kvar samling. Forumet møtast fire gonger i året, med ei samling der me køyrer heilaften. Meld deg på eit av våre arrangement, og sjå om denne møteplassen er noko for deg! Me oppfordrar og transportnæringa som jobbar tett med bygg- og anlegg til å delta!

Forumet er per i dag både for medlemer og ikkje-medlemer av Næringshagen. Ta kontakt med arrangement@hardangervoss.no for å motta invitasjon i framtida!