- for innovasjon, vekst og omstilling i Hardanger og Voss
Om fondet
I samarbeid med Sparebanken Norge og stiftinga deira Agenda Vestlandet, innvilger Hardanger og Voss Næringshage inntil kr 600.000,- til ein eller fleire mottakarar. Med dette vil me nå ut til innovative verksemder og leiarar med spennande, nyskapande og berekraftige produkt, konsept og/eller forretningsmodellar - og med dét motivere endå fleire til å satsa.
For det spirer og gror av kreativitet og skaparvilje i regionen vår! Dette erfarer Næringshagen støtt og stadig, i kontakten vår med både gründerar og etablerte verksemder med vekstpotensiale.
Du finn søknadsskjemaet nederst på denne sida.
Tre sterke vinnarar av Fjord- og Fjellfond-prisen 2026
Me gratulerar tre innovative og framtidsretta verksemder som vart tildelt Fjord- og Fjellfondprisen under Vossadagane 2026. Kvar av vinnarane får 200.000 kroner til vidare utvikling av sine prosjekt.
Me er stolte over å kunne løfta fram tre så sterke kandidatar i år, i konkurranse med over 40 andre søkjarar. Felles for dei er høg innovasjonsgrad, tydeleg klimaeffekt og stort potensial for regional verdiskaping.
Sterk breidde og felles retning
Felles for dei tre vinnarane, som representerer ulike bransjar, er at alle bidreg til innovasjon og grøn omstilling, nye arbeidsplassar og framtidsretta næringsutvikling.
Dette er døme på den krafta som ligg i regionen vår. Når vi klarer å kombinere innovasjon, berekraft og lokalt engasjement, skaper vi grunnlag for framtidig vekst.
Vinnarane av Fjord- og Fjellfond-prisen 2026
Disruptive Value Group (DVG)
Selskapet utviklar biobaserte og mikroplastfrie fendersystem og oppdriftsmateriale for maritim sektor og havbruk. Løysinga erstattar tradisjonelle materiale som er store kjelder til mikroplast i havet.
Juryen peika på at prosjektet har svært sterk klimaeffekt og stort potensial for industriutvikling og arbeidsplassar i regionen.
Voss MicroZ
Voss MicroZ produserer mikrogrønt lokalt, og skal no investere i frysetørketeknologi for å forlenge haldbarheit, redusere matsvinn og utvikle nye produkt.
Juryen trakk fram at prosjektet har låg risiko, tydeleg klimaeffekt og potensial for vidare vekst i lokal matproduksjon.
Ludens Aviation
Ludens Aviation utviklar ei heilskapleg løysing for elektrisk luftfart, inkludert drift, leasing og AI-basert optimalisering. Juryen vurderte prosjektet som svært innovativt, med stort potensial for utsleppsreduksjon og utvikling av ein ny næring i regionen.
Les meir om vinnarane her:
https://www.ludensaviation.com/
Sjå video av vinnarane her:
Kven kan søkja? Geografisk nedslagsfelt
Gründerar og etablerte verksemder med forretningsadresse i Voss, Kvam, Ullensvang, Eidfjord eller Ulvik.
Tildelingskriterier
Heilt generelt skal midlane tildelast næringslivsaktørar som har nyskapande idéar, prosjekt, aktivitetar eller gode omstillingstiltak.
Sentrale kriterium
Frist, jury og tildeling
Søknadsfristen er 31. januar 2026.
Sparebanken Norge utnemner kvart år ein jury for å vurdera verksemdene og prosjekta, og Hardanger og Voss Næringshage har ei rådgjevande rolla. Har du spørsmål, ta kontakt med Hardanger og Voss Næringshage.
Søknadsskjema er no stengt og opnar att til hausten.
