Bygg, anlegg og eigedomsforum Voss 2. desember

Velkomen til årets siste Bygg, anlegg og eigedom på Voss.

Me møtast til jolehygge hjå Norconsult tysdag 2. desember med spennande fagleg program, tapas frå Eyye’s Lokanta og jolaøl.

Dagens hovudtema er naturfare, der Norconsult og Voss herad vil halda innlegg. I tillegg får me helse på ny dagleg leiar i Coop Obs Bygg, Torstein Røthe.

Program
Med atterhald om mindre endringar

• Middag frå Eyye’s
• Naturfare v/ Stephanie Hjelmeland, geoteknikar og leiar i Naturfaregruppa i Norconsult
• Status organisatoriske sikringstiltak i Voss herad v/ Bjørg Lirhus, flaumkoordinator i Voss herad
• Bedriftspresentasjon v/ Torstein Røthe, dagleg leiar Coop Obs Bygg
• Jolaøl og mingling

Tid: tysdag 2. desember 16:30 – 19:30

Stad: Norconsult Voss, Regimentsvegen 158

Pris medlem: 700,-

Pris ikkje-medlem: 1400,-

Billett inkluderer fagleg program, tapas og jolaøl.

Arrangementet er ope for alle i bransjen.

Naturfare – relevant for kven?
Tverrfagleg naturfarevurdering gir betre grunnlag for avgjerd, meir robuste løysingar og ikkje minst lågare totalkostnadar. Naturfarer er samansette og krev innsikt frå fleire fagområde –éin disiplin ser ikkke heile bilete. Ved å samarbeide tidleg og sjå på samspel mellom vatn og massar, kan me identifisere risiko utanfor aktsemdsområde og tilby heilskaplege vurderingar.

Innlegget er relevant heile næringa; utbyggjarar, entreprenørar og anleggsaktørar.

Stephanie Hjelmeland har jobba som geoteknikar i Norconsult i ti år, med brei erfaring frå akutte naturfarevurderingar i Ullensvang kommune. Ho leiar Naturfaregruppa i Norcunsult, og brenn for å styrke tverrfagleg samarbeid – fordi det gir verdi både for oppdragsgivar og fagmiljøa.

I samband med dagens tema vil Voss herad gje ein oppdatering knytt til organisatoriske sikringstiltak, og ta i mot spørsmål frå næringa.

Nysgjerrig på om Bygg, anlegg og eigedomsforum er noko for deg og di bedrift?
Dette forumet vart starta i 2021, og sidan den gong har me i Hardanger og Voss Næringshage samla større og mindre aktørar i bygg, anlegg og eigedomsbransjen. Det er behov for ein felles møteplass for næringa med fokus på fagleg innhald, men like mykje for at næringa kan verte betre kjend med kvarandre og få eit større nettverk. Difor legg me opp til god tid til mingling på kvar samling. Forumet møtast fire gonger i året, med ei samling der me køyrer heilaften. Meld deg på eit av våre arrangement, og sjå om denne møteplassen er noko for deg! Me oppfordrar og transportnæringa som jobbar tett med bygg- og anlegg til å delta!

Forumet er per i dag både for medlemer og ikkje-medlemer av Næringshagen. Ta kontakt med arrangement@hardangervoss.no for å motta invitasjon i framtida!