Kompetanseforum: NYE MARKNADER: Er produktet eller tenesta mi klar for eit nytt marknad?

NYE MARKNADER: Er produktet eller tenesta mi klar for eit nytt marknad?

Ønskjer verksemda di å vekse utanfor det marknaden de er i i dag? Det kan vere nye geografiske område eller andre typar kundar i Norge – eller til og med eksportmoglegheiter internasjonalt. I dette nettseminaret utforskar vi vegen frå å vere ein lokal aktør til å nå nye marknader.

Martin Olsen er internasjonaliseringsrådgjevar i Innovasjon Norge, og vil fortelje kva spørsmål verksemda bør stille seg før ho siktar mot å utvide til nye marknader.

I dette nettseminaret vil Martin fokusere på følgjande problemstillingar:

• Kva er eit nytt marknad, og korleis finn de det som passar best for dykk?
• Har de det rette produktet, eller må det utviklast?
• Har verksemda ressursane internt – eller kva skal til for å kome dit?

Målet med nettseminaret er å setje i gang viktige tankeprosessar, slik at du som deltakar får eit betre grunnlag for å vurdere om, når og korleis det kan vere rett å ta steget inn i nye marknader.

Velkomen til fysisk samling!

Hardanger og Voss Næringshage, Næringshagen i Ullensvang og Kvinnherad Næringsservice inviterer til felles vising av webinaret på storskjerm, med enkel servering i desse lokala:

• Voss: Hardanger og Voss Næringshage i Gondolbygget
• Odda: Næringshagen i Ullensvang på Smelteverket
• Husnes: Kvinnherad Næringsservice

Etter webinaret vert det høve til diskusjon og refleksjon saman med våre dyktige rådgjevarar. Du kan òg velja å følgje webinaret digitalt – valet er ditt!

Lenkje til webinaret for dei som vil følgje digitalt og ikkje fysisk i Odda, Husnes eller Voss, vert sendt til dei påmelde dagen før.

Webinaret er gratis.

Det vert enkel servering på fysisk oppmøte.

Påmeldingsfrist: 22. august kl. 12.00