Kompetanseforum: Praktisk styrearbeid
26. august kl 9:00 - 10:00
Webinar om kva det inneber å ta på seg styreansvar, og korleis bruka styret som ein ressurs.
Webinar om styreansvar og styret som ressurs
Kva inneber det eigentleg å ta på seg styreansvar, og korleis kan ein nytta styret som ein ressurs?
I dette webinaret går Frode Blakstad, partnar i INAQ AS, gjennom kva styrerolla inneber i praksis, ansvaret styret har, og korleis styret kan bidra aktivt til utvikling og vekst i små og mellomstore verksemder.
Tema som vert tekne opp
- Korleis kontrollerer styret verksemda si drift?
- Korleis kan styret vera ei støtte for leiinga?
- Korleis kan styret bidra i utforminga av strategiar og planar for vekst og vidare utvikling?
Målet med webinaret er å gje innsikt i korleis rett kompetanse i styret og godt styrearbeid kan styrka lønnsemda og veksten i verksemda. Webinaret passar for styreleiarar, styremedlem, daglege leiarar og alle som vurderer å ta på seg eit styreverv.
Velkomen til fysisk samling!
Hardanger og Voss Næringshage, Næringshagen i Ullensvang og Kvinnherad Næringsservice inviterer til felles vising av webinaret på storskjerm, med enkel servering i desse lokala:
- Voss: Hardanger og Voss Næringshage i Gondolbygget
- Odda: Næringshagen i Ullensvang på Smelteverket
- Husnes: Kvinnherad Næringsservice
Etter webinaret vert det høve til diskusjon og refleksjon saman med våre dyktige rådgjevarar. Du kan òg velja å følgje webinaret digitalt – valet er ditt!
Lenkje til webinaret for dei som vil følgje digitalt og ikkje fysisk i Odda, Husnes eller Voss, vert sendt til dei påmelde dagen før.
Webinaret er gratis.
Det vert enkel servering på fysisk oppmøte.
Påmeldingsfrist: 25. august kl. 12.00