Lokale produkt i turistinformasjonen

No kan du kjøpe deg rykande fersk kaffi frå Merand kaffe, Vossa Jazz produkt, lesk frå Finnegarden og hudpleie frå Vossabia i turistinformasjonen.

Foto: Visit Voss

Foto: Visit Voss

-Det er ei gleda å kunna tilby kaffi direkte frå Colombia, fersk brent på Voss og laga til hjå oss i turistinformasjonen, seier Peder Melva Hagelund, leiar for turistinformasjonen.

Det er Merand Kaffe med Julian Andres Bisoli som er på plass og serverar gjestene. Opningstidene vil stort sett fylgje turistinformasjonen sine, og per no vil kafédrifta vera på plass ut mars, med moglegheit for forlenging.

-Me jobbar stadig med utvikling av turistinformasjonen, og me skal leggje betre til rette for produktutsal, samstundes som me skal tilby best mogleg informasjonsflyt. I forbindelse med Vossa Jazz sitt jubileum, har me no fått til ein liten stand der ein enkelt kan få kjøpt produkt med Vipps, dette kjem i tillegg til allereie andre lokale produkt me tilbyr, seier Hagelund.

Ta turen innom turistinformasjonen for ein fersk kopp kaffi, og for å fylgje utviklinga!