To nye rådgjevarar på kontoret i Øystese
Hardanger og Voss Næringshage styrker sin tilstedeværelse i Hardanger gjennom tilsetting av to nye rådgjevarar/forretningsutviklarar ved Øysteseskontoret. Otto Thillmann og Anita Storemark er begge tilsett i 100 % stilling frå 1. april.
Oksen, foto Åsmund Aarsand (10)
– Dette er ei viktig styrking av laget vårt i Hardanger. Med to svært kompetente og lokalt forankra rådgjevarar får vi auka kapasitet og endå betre føresetnader for å støtte næringslivet i regionen, seier Trude Undebakke, dagleg leiar i Hardanger og Voss Næringshage.
Erfaring frå industri, økonomi og prosjektleiing
Otto Thillmann bur i Ålvik og har lang erfaring innan økonomi, leiing og prosjektstyring, mellom anna frå Boliden Odda, Odda Energi og Elkem. Han har allereie starta i Næringshagen med to dagar i veka, parallelt med at han avsluttar i eit større prosjekt for Boliden i Odda.
Sterk kompetanse innan leiing, sal og forretningsutvikling
Anita Storemark bur i Øystese og har bakgrunn frå leiande roller mellom anna frå Hardangerbadet AS og no sist Nordhand Victoria AS. Ho har særleg kompetanse innan personalleiing, endringsleiing og utvikling av verksemder, og er styremedlem i Kvam Næringsråd.
– Samla tilfører Otto og Anita Næringshagen ein svært verdifull kombinasjon av industriell, kommersiell og menneskeleg kompetanse. Dette styrker oss i arbeidet med både etablerte bedrifter og nye gründerar i Hardanger, seier Undebakke.
Kontaktpersoner:
Hardanger og Voss Næringshage: Trude Undebakke, Tlf 916 83 498
Otto Thillmann: Tlf 918 17 411
Anita Storemark: Tlf 452 72 974
